Қазақтың көрнекті қаламгері, ҚР Мемлекеттік сыйлығының лауреаты Баққожа Мұқайдың шығармаларының 2-томына "Өмірзая" романы беріліп отыр. Көпшілікке кеңінен танымал қаламгер, дарынды драматург, қарымды публицист бұл іргелі туындысында заманымыздың ащы шындығын, ұлтымыздың ұяты мен намысын, тауқыметі мен тағдыр-талайын, бодан қоғамның болмысын суреткерлікпен баяндайды. Шығармада бас кейіпкер Аяған Қуатовтың қасаң жүйеге қарсы тұрған күрескерлігі мен қайсарлығы шынайылықпен бедерлі бейнеленген. Романның тілі кестелі, оқиғасы қою. Шығарманың оқырманды бей-жай қалдырмасы сөзсіз.