«Семей полигонынан зардап шегуші ретінде маған берілген 02- 00191 санды куәлікте ядролық жарылыс астында 37 жыл 2 ай болғаным ресми расталған. Демек мен осы кітапта сөз болатын шерлі оқиғалардың бәріне де тірі куәгермін. «Толған ел тарихын жақпар тасқа жазады. Тозған ел басынан кешкенді көз жасымен бағып, туған еліммен бірге басымнан кешкен ғасырлық қасіретті шертпей өмірден аттансам –жер басып жүргеніне мәз тоғышардың бірі болмайын деген жегі ой мені жиі мазалап, әсіресе полигон зардабынан тап болған ауыр дерттен дәрігерлер жәрдемімен сауыққан кезімде жазу үстеліне шегендегені анық...» - деген жүрекжарды сырын М.Сәрсеке осы кітаптың алғысөзінде бекерге жазбаған. Сыр ойдың жетегімен туған «Семей қасіретінде» шертілетін ащы ақиқат кешегі XX ғасырда адамзат қауымына ел билеушілері жасаған аса ауыр қастандық жайында деректі эссе түрінде өрілген кітапты оқыған кезде иланасыз.