Талантты ақын Мақпал Мысаның бұл жинағы "Шоған абыз" деп аталады. Жинаққа автордың кейінгі жылдары жазылған поэмалары мен баллада, өлеңдері еніп отыр. Мақпал "Шоған абыз" поэмасымен ҚР Тұңғыш Президенті Елбасы қоры тағайындаған "Алтын тобылғы" әдеби сыйлығының лауреаты атанып, бас жүлдені иеленген. Бұл шығарма - ақынның шығармашылық жолындағы тың белесі. Бес бөлімнен тұратын "Шоған абыз" дастанында аңызға айналған тарихи тұлғаның өмірі мен өнегесі, елдік жолындағы күрескерлігі суретеледі. Бір ерекшелігі поэма түрік, орыс, ағылшын тілдеріне аударылып беріліп отыр. Ақын қолтаңбасы айшықты сөз, қанық бояу, образды ой тереңдігімен ерекшеленеді. Кітаптың ойы орамды, тілі көркем, көпшілік оқырманға арналған.