⠀Бейімбет Жармағамбетұлы Майлин (1894-1938) – жиыр­масыншы ғасырдағы қазақ әдебиетінің іргелі жанр­ларын қалыптастыруға айтарлықтай үлес қосып, биік бе­леске шығарған аса көрнекті суреткер жазушы, ақын әрі драматург, қазақ әдебиетін қалыптастырушылардың бірі. Бейімбет Майлин дарыны оның прозалық шы­ғар­маларында айрықша жарқырап көрінеді. Әсіресе, қазақ про­засында әңгіме жанры Бейімбет шығармалары арқылы кемелдене түсті. Оның әңгімелері өмір шындығын дөп басып көрсететін реалистік тегеурінімен, көркемдік биік өресімен, тақы-рыбының әр алуандығымен дараланады. Ол көркем әңгімелері арқылы өзі өмір сүрген заман ты­нысы мен қоғам өмірін энциклопедиялық кемелдікпен сомдай алған ұлы суреткер. Б. Майлин – бүгінде де қазақ оқырмандарының ең көп оқитын, қызығып оқитын жазушыларының бірі.