1-кітап Қазақстанның халық жазушысы, мемлекеттік сыйлықтың лауреаты Қабдеш Жұмаділовтың - шетелдегі қазақ тақырыбын тұңғыш көтерген әйгілі қаламгер. Қытайдағы қазақ өмірінен жазылған қос томды «Соңғы көш» романы жазушыны жұртшылыққа бірден танымал етіп, абыройға бөлегені белгілі. Біз бұл жолы оқырманның сұрауы бойынша, тарихи романды қайта басып отырмыз. 2-кітап Қазақстанның халық жазушысы, мемлекеттік сыйлықтың лауреаты Қабдеш Жұмаділовтың қос томды «Соңғы көш» романы Қытай қазақтарының өмірінен жазылған. Роман әлі қаймағы бұзылмаған көшпенділер тұрмысынан басталып, ұлттық езгіге шыдамаған арда халықтың атажұрт Қазақстанға бет түзеуімен аяқталады. Біз бүгін жұртшылық көңілінен өшпестей орын алған сол шығарманы қалың оқырманның сұрауы бойынша қайта басып отырмыз.