Қазақ өнерінің аса көрнекті өкілі,Қазақстанның халық артисі,ҚР Мемлекеттік және Жастар одағы сыйлықтарының лауреаты,өнертану ғылымының кандидаты,Жамбыл және Махамбет атындағы Халықаралық сыйлықтардың жүлдегері,халыққа кең танымал театр және кино актері,режиссер,әйгілі эстрада жұлдызы,ұлағатты ұстаз Тұңғышбай әл-Таразидің(Жаманқұлов) бұл екінші кітабы. "Наз" атты алғашқы туындысы (2001) ғұмырбаяндық повесть және естеліктер,жеке мақалалардан тұрса,ал бұл "Сөз" деген ортақ атаумен аталған екі томдық кітабының бірінші томына кейінгі жылдары шұқшия еңбектенген сахналық сөз өнеріне арналған ғылыми-теориялық толымды зерттеуі енгізіліп отыр. Тақырып аясы қазақтың шешендік өнері мен актерлік шеберліктің өзара байланыстары жайында болғандықтан екі өнердің қыр-сырлары кең ауқымда талданған. Кітаптың тілі өте бай,теориялық талдауға тиісті салқынқанды білімір зерттеу болса да,асқан шешендікпен өрілген ой иірімдері терең,әрі жеңіл оқылады. Шығарма жоғарғы оқу орындарында театр өнерін таңдаған зерделі студенттерге,актер шеберлігі мен жалпы шығармашылдықтың қасиетті құпияларымен танысқысы келетін жалпақ жұртқа арналады.