Еліміздің журналистика саласында өзіндік қолтаңбаға ие болып, түрлі жауапты қызмет атқарған Қоғабай Сәрсекеев «Заманақыр», «Үш Арыс», «Қазақия», «Дешті Қыпшақ», «Қазақ шаруасы» атты шығармаларды дүниеге әкелген белгілі жазушы ғана емес, уақыт талабына ерте бейімделіп, жеке баспа ашқан, «Қазақ» газеті мен «Айқап» журналын оқырманмен қайта қауыштырған іскер азамат, қоғам қайраткері. Көп қырлы дарынның шығармашылық өмірі, тұлғалық бейнесі өзіне сүйсіндірмей қоймайды.Сондықтан да сериялық кітабымыздың жазушы, журналист Қ. Сәрсекеевке арналған шығарылымы ерекше еңбек. Кітап көпшілік оқырманға арналады.