Алты алаштың маңдайына біткен жарық жұлдызы, қазақтың Жыр-Аққуы атанған Қазақстан Мемлекеттік сыйлығының лауреаты Марфуға Айтхожаның бұл кітабына ақынның әр жылдары жазған жырлары топтастырылған. Жинақта ақын жанының ақтарылған сөз моншағы тізіледі, мөлдір сезімнің інжу-маржаны сүзіледі. Көңіл күй лирикасынан барша адам баласының жүрегін тебірентетін, ойын толқытатын шуақ төгіледі. Ақынның сұлу жырлары мәңгі жас, мәңгі жаңа бір көрініске, ғажайып суреттер- ге айналып, оқырманды жасарғандай, жаңғырғандай, қайта түлегендей әсерде қалдырады.