ТАБИҒАТ РИСАЛЕСІ Ескерту Бұл жазбада Құдайдан безіп, табиғат жа-ратады дейтін жаратылыстанушылардың ұс-танған жолы, олардың пікірі қаншалықты ақылға сыйымсыз, табиғатқа жат, құр қиял екенін, ең кемінде тоқсан түрлі сандырағын әшкерелейтін тоғыз түйін баяндалады. Олардың мұндай қисынсыз ой-пiкiрлерi өзге кітаптарымда едәуір айтылғандықтан, мұнда қысқа ғана тоқталып, кейбір бөлiмдерiн аттап өттік. Дегенмен, мынадай бiр ой келедi: «Неліктен атақты пәлсапашылар, ақылгөй ойшылдар көрер көзге осындай тым оғаш, сену қиын пiкiрдi құптап, сол жолда кетiп барады?» Иә, олар өздері таңдаған жолдарының жөн-жосығын, мәнісін терең түсіне алмаса керек. Олардың пайымдаулары шын мәнісiнде тақырыптың бас жағында баяндалғандай жөнсіз әрі қисынсыз, (Сілтеме)1 қиял тәрізді болмашы нәрселер ғана. Егер оған күмәнданушы болса, бұлтартпас айғақтармен жан-жақты анық етiп дәлелдеп беруге дайынмын.