Бұл жинаққа Сыр-Арал аймағында өмір сүрген белгілі эпик-шайыр, «Мәулімнияз-Едіге», «Орақ-Мамай», «Қарасай-Қази», «Қобыланды», «Ақтабан шұбырынды», «Ақ кете Шернияз» сияқты ондаған батырлық жырлар жазған Нұртуған Кенжеғұлұлының 120 жылдық мерейтойына орай Қызылорда облыстық Мәдениет басқармасының ұйымдастыруымен Тарихи-өлкетану мұражайында өткізілген «Сыр өңіріндегі эпикалық дәстүр проблемасы: Нұртуған Кежеғұлұлы қалыптастырған жыршылық мектептер негізінде» атты ғылыми-танымдық конференцияның (2009 жыл, 23-желтоқсан) материалдары топтастырылған. Сонымен қатар, конференцияға қатысушы ғалымдардың ұсынысымен фольклортанушы-ғалым Берік Жүсіповтың жеке мұрағатында сақталған Нұртуған шайырдың бұрын жарық көрмеген «Тағаймұрат» дастаны мен терме-толғаулары еніп отыр.Құнды дүние эпикалық жыршылық дәстүр проблемасымен айналысатын эпостанушы-ғалымдарға, Нүртуған шайыр шығармашылығын зерттеп жүрген мамандарға, сөз өнерін қадірлейтін қалың оқырманға арналады