Неміс жазушыларының ертегілері топтастырылған "Таңғажайып глобус" деп аталатын бұл кітап бала қиялына қанат бітіріп, ізгілікке, татулыққа үндейді. Технология алға қарыштап дамығанымен, кітап қзінің баға жетпес құндылығын жоймайтынына көз жеткізеді. Даналықты, ақыл мен білімді кітаптан табуға болатындығын айғақтайды. Қоршаған ортаны, жан-жануарлар мен құстарды аялауға шақырады. Ауа райын жануарлардың әрекеті арқылы болжауға болатынын тағы бір мәрте еске салады. Жас ұрпақтың жан дүниесін нәрлендіріп, таным көкжиегін кеңейтеді.