Жер жарықтық жылына төрт түрлі күй кешеді десек, адамның тірлігі де сондай, бірақ мұның көктемі, жазы, күзі, қысы кезегімен келіп-кетпейді, бірінің орнын бірі басып, арпалысы қанбастай араласып, сабырсыз сапырылысып жатады, жазы кейде тым қысқа, ал қысы кейде тым ұзақ бола береді… Жазушы Ғаббас Қабышұлының бұл жаңа жинағындағы хикаялар соны айтады. Әзіл-сықақ әңгімелерінің «иісі мен дәмі» де сол сыңайда: «Дүние - бір қисық жол, бұраңдаған» немесе «Көрмейін десем - көзім бар»