Бұл кітапта бауырлас татар халқының танымал жазушылары мен бүгінгі заман жазушыларының шығармаларынан іріктеліп алынған қырықшақты әңгіме топтастырылған. Авторлардың алуан түрлі тақырыптағы әңгімелерінен көзі қарақты оқырман татар халқының тұтас бір ғасырлық ғұмырын,тауқыметі мен тағдырын,күйініші мен сүйінішін оқып біліп,мәдениеті мен салт-дәстүріне тереңірек бойлары анық. Жинақтағы әңгімелерден уақыт,замана келбеті айқын көрініс тауып отырады. Кейіпкерлер болмысы да сан алуандылығымен оқырманды ойға жетелейді. Авторлар жүрек түкпірінде бойтұмардай қатталып жатқан ой-пікірлерін,сырларын шеберлікпен,оқырман жүрегіне жететіндей көркем тілмен кестелей білген.