Бұл жинақта данышпан әл - Фарабидін екі шығармасы « Иләһи ғылым » ( теология ) және « Әл - кияс әс - сағир » ( кішi силлогизм ) атты шағын трактаттары беріліп отыр . Әл - Фараби « Иләһи ғылым » шығармасында Құдай , болмыс , бейболмыс , Бiрiншi бастаушы , зерде , жан , субстанция , материя , форма және сол сияқты т.б. ұғымдарды қамтып зерделеген . Ол аталмыш категорияларға талдау жасап , оқырманға сұрақ қойып , соған жауап іздеу арқылы арқылы тәлім береді . Бұл трактат « теология » деп те алалады . Ғұлама әл - Фараби « Кіші силлогизм » шығармасында оқырманды диалектика және құқықтану білімдерінде шешендiкпен қатар жиi қолданылатын логикалық пайымдармен таныстыруды мақсат тұтқан . Ойшыл мақұлданған пікір , танылған пiкiр , себеп және салдар , шартты силлогизм , индукция сияқты т.б. ұғымдармен таныстырады .