Қазақстан Республикасы Мемлекеттік сыйлығының және Күлтегін сыйлығының иегері,Қазақстанның еңбек сіңірген қайраткері,белгілі ғалым әрі жазушы Қойшығара Салғараұлының бұл жинағына ежелгі көне заманнан бастап орта ғасырда өмір сүрген түрік халықтарының тарихы жөніндегі зерттеу еңбектері енгізіліп отыр. Мұнда автор қазіргі таңда "түрік тектес","түрік тілдес" деп аталатын халықтардың арғы ата-бабаларының естен өшкен ескі замандардағы тарихына қатысты әлем халықтарының мифологиясындағы тарихтық,тілдік деректерді және көне жазба мұралар берер мәліметтерді бүгінгі археология,лингвистика,генетика,тарих ғылымдарының жетістіктерімен сабақтастыра талдау арқылы өзіндік жаңа,тосын да тың пайымдаулар жасайды. Жаңалықты ойлары оқырманын бірден баурап,қызықтырып, одан әрі оқуға жетелеп отырады. Тілі көркем,әдеби шығарма секілді жеңіл оқылады.