Қалың оқырманға сыншы ретінде танылған Әмина Құрманғалиқызының «Әулет пен нәубет» атты романында бір әулеттің тауқыметті тағдыры арқылы күллі қазақтың бастан кешкен зұлмат жылдары суреттеледі. Роман әрі әулеттік, әрі тарихи-көркем шежіре. Автордың сыншылық пен қоса көркем прозадағы қабілеті де танылады. Оқиғасы - шындық, тілі - көркем. Автордың бұған дейін де «Біз де қайттық өмірдің базарынан» және «Жеті ата Жолымбетке құйған нұрын» атты көлемді көркем прозалық шығармалары бар.