Бұл кітап-жинақ ержүрек батыр, қаһарман қолбасшы, көрнекті қайраткер, дауылпаз жырау, әйгілі «Елім-ай» жырының авторы Қожаберген Толыбайұлының 350 жылдық мерейтойының қорытындысы ретінде шығарылып отыр. Жинаққа Алматыда, Астанада, Қызылжарда өткен ғылыми-практикалық конференциялар материалдарына қоса, Қожаберген жыраудың өмірі мен қызметіне қатысты тарихи- танымдық мақалалар, баяндамалар және де кәзіргі ақындардың арнау өлеңдері мен жыр-дастандары енгізілген. Мақалалар мен материал-баяндамаларда халқымыздың өткен ғасырлардағы өмірі мен тағдыр талайына қатысты бірқатар құнды деректер мен мәліметтер кездеседі. Жинақ мазмұнына қарай топтастырылған төрт бөлімнен тұрады. Кітап әдебиетші, тарихшы ғалымдар мен мамандарға, студенттерге және осы тақырыпқа қызығатын көпшілік оқырманға арналған.