«Жамбыл тәлімі» деп аталатын бұл әдеби зерттеулер жинағында Жетісу ақындарының атасы, қазақ халық поэзиясының көшбасшысы Жамбыл Жабаевтың өмірі мен шығармашылық ортасындағы көпшілікке танымал емес, тікелей терең байыптауды жылдар бойы күткен сауалдарға жауап табасыз деп сенеміз. Автордың тұжырымдамалары ғылыми негізделген, тілі шұрайлы, алтынның сынығындай - Жамбыл атамыздың бірегей шәкірттерінің бірі - Әбдіғали Сариевтың қызы Шаймхан Сариеваның осынау төл еңбегі оқырманды өзіндік ой- толғаныстарымен баурайды.