Адамның жан дүниесі өте нәзік және сезімтал келеді. Ашылмаған сырлары мен жұмбағы тереңде жатыр. Осы тұрғыдан психологиялық сала бойынша оқырмандарға жаңадан танылып келе жатқан психолог мамандары Нұрымов Е.С. пен Қанапияева Б.Н. «Жан дүнием» атты психологиялық кеңестер жиынтығы еліміз үшін аса қажеттілікті талап етеді. Кітапта ұрпақ тәрбиесінен бастап, жас ерекшелікті ескере отырып, бозбала шақтан ер жігіттікке, бойжеткен қыздан келешек ибалы келін, аяулы ана аталуына және өмірге өзіндік орны бар жайттарға осы психологиялық кеңестер жиынтығында кеңінен жазылған. Өмірде жақсы да жақсыға лайық еместер де көп кездеседі. Жақсылыққа ұмтылу адам баласына маңызды. Кейде шамамыз жетпей қалатын кездерде қосымша ақыл-кеңес талап стетіні адами табиғатымыз іздейді.