Америка әдебиетіндегі Сэлинджер шығармашылығы - тұманды жарып шыққан күндей құбылыс. Ол сирек жазды, бірақ талғаммен жазды. Ағылшын тілінде жазылған ХХ ғасырдың ең үздік 100 романы тізіміне енген «Жар жағалаған жалғыз» романы қазіргі заманның классикасына айналып, әлем тілдеріне жарыса аударылып, 65 миллионнан астам данасы сатылған. Енді, міне жазушы-аудармашы Алдан Смайылдың қалам қуаты арқасында қазақ оқырманына жол тартып барады. Шығарманы оқып отырып 16 жасар Холденнің сезімтал көзімен қазіргі қоғамның шындығын көресіз.