«Біз де қайттық өмірдің базарынан» атты кітабы арқылы оқырманға бұрыннан таныс автордың бұл екінші кітабы. Бұл кітапта қара ормандай қалың Найман руының үлкен бір бұтағы Жолымбет ата ұрпақтарының шежіресі беріледі. Шежіре болғанда жай тізбе емес, тарихи-көркем шежіре. Сонау аңыздан бастап, ақиқатқа дейінгі уақиға желісі алтын әрмектей тартылып, оқырманды иірімдей тартады. Кешегі зұлмат жылдар мен зобалаң күндер қасіретін жалпылама емес, өз әке-шешесінің, ата-бабасының басынан өткен шындық тұрғысынан суреттеп жазады. Тілі-көркем, уақиғасы- шындық. Кітап құндылығы да сонда.