«Жоғалған әлем» - көрнекті ағылшын жазушысы Артур Конан Дойлдың ғылыми фантастикасы. 1912 жылы жарық көрген бүл роман жазушының профессор Челленджер туралы шығармалар циклінің алғашқы кітабы. Романда Оңтүстік Америкаға сапарлаған Британия экспедициясы туралы әңгімеленеді.Амазониядағы адам аяғы басып көрмеген биік жартасты үстіртті зерттеуге аттанған профессор Челленджер мен оның серіктері (профессор Саммерли, лорд Джон Рокстон мен газет тілшісі Мэлоун) динозаврлар, адам тектес маймылдар мен жабайы адамдар қатар тіршілік ететін «жоғалған әлемге» тап болады. Оқиға газет тілшісі Мэлоуннің атынан баяндалады.Кезінде миллиондаған оқырманның қызығушылығын тудырып,бағасын алған бұл шығарма ғылыми фантастиканың үздік үлгісі.Ширыққан сюжеті, жарқын кейіпкерлері мен жеңіл әзіл-оспақты тілін шығарманың ерекше табысы деуге болады. Әлемнің көптеген тіліне аударылған бұл роман алғаш рет қазақ оқырмандарына ұсынылып отыр.