Қазақстан Педагогика ғылымдары академиясының академигі, филология ғылымдарының докторы, профессор жазушы, ғалым Тұрсын Жұртбайдың "Күнделіктері" - күнінің қалай өткенін есте қалдыру үшін емес, көргенін - көңіліне түйіп, соны өз елінің өмірімен, тарихымен салыстырып, пікір қорыту үшін жазылған. Тектік тамырлар суыртпақталатын терең әсерлер, тосын көзқарастар, ой орамдары, біз білмейтін не түсіне бермейтін ғылыми ныспылар мен тұспалдар, сирек деректер көпшілік қауымның ынталы ықыласын оятары кәміл.