Жазушы Мамытбек Қалдыбайдың бұл жаңа деректі романында облыс орталығынан шалғайдағы ауылдың қарапайым тұрғыны, кезінде мектеп басшысы, ферма меңгерушісі, колхоз басқармасының төрағасы, аудандық жол бөлімінің бастығы, байланыс саласының қызметкері боп істеп, тағдырдың ауыр талқысынан өтіп, ел құрметіне бөленген, дүниеге өз көзқарасы, өз ой-пікірі бар Қожамжар қарияның ешкімге ұқсамас, шар болаттай шыныққан күрескер тұлғасы жан-жақты сомдалған. Әдебиетімізде бұрын-сонды көріне қоймаған тартыс негізінде бейнеленген қаһарман өмірі үлгі- өнегеге толы. Шығарма тілі көркем, жеңіл, оқиғасы қою.