Қаламы қарымды Айжарық Сәдібекұлының «Сырдария кітапханасы» көптомдығына еніп отырған бұл кітабына «Теңіз түкпірінде» деген повесі, көркем әңгімелері мен деректі хикаялары топтастырылды. Жазушы шығармалары халқымыздың құнарлы тіліне тұнып тұр. Оқиғалары өміріміздің әр қилы кезеңдерінен тебіреніске толы сыр шертеді. Халқымыздың қасиетті қара сөзін кие тұтатын автор әрбір сөйлемнің сөздерін елеп-екшеп, бірі мен бірін өзара өзектестіріп, жымдастырып жазады. Басы артық бос сөз, қиялдап кету кездеспейтіндіктен оқырманды жалықтырмайтын жазушы шығармаларының көркемдік деңгейі де жоғары. Кітап көпшілік оқырман қауымға арналған.