Сатира саласында қалам тербеп келе жатқан Сабырбектің бұл көркем прозадағы тұңғыш жинағы. "Қалғып кетіп, адасып өткен бір ғұмыр" атты хикаяты "Жалын" журналы арқылы оқырмандарға жол тартса, "Дария" првесі "Жұлдыз" журналы арқылы таралды. Сабырбектің сиқырлы сөздің қасиетін тани білуі, кейіпкерлерінің характерін ашудағы иірімдері мен өрнектері оқырмандар көңілінен шығады деген сенім бар. Адамдардың талайлы тағдырлар қақтығысы уақытысына, ортасына тәуелді бола тұра автор сұлулық, мөлдірлік, тазалық жүниесін барынша анық көрсетуге талпынады. Жаратылыстан жұмыр бастының серігі болып келе жатқан қызғаныш деген айықпас дерттен құтылудың жолдарын табуға деген ниеті ой салады. Повестер мен әңгімелер желісі оқырмандарды жетелеп отырады.