Ақын Дәулетбек Байдрахманұлының «Жырдастан» топтамасы - автордың таңдамалы жинағы іспеттес дүние. Себебі көптеген өлеңдері ақынның бұрында жарық көрген жыр жинақтарынан алынды. Топтамаға ақынның өзі ұсынған кейінгі кездегі жырлары, деректі дастандары, толғау, балладалары мен айтыстары еніп отыр. Осы «Жырдастан» жинағына Дәулетбектің Отанына, анаға деген сүйіспеншілігі, көңіл-күй, махаббат, сол сияқты туған жер табиғаты, оның бүгінгі өмір тыныс-тіршілігі тақырыптары жырланған шығармалары енді. Бұрынғы кеңестік дәуірдің дәстүрлі әуеніне есе бермей, Алаштың арыстарын, егеменді еліміздің еңселі ерлерін, сұлу Сыр өңірінің ұл-қыздарының жарқын тұлғасы сомдалған мұндай шығармалар оқырманды жалықтырмайды деп сенеміз. Кітап көпшілік оқырман қауымға арналған.