Кітап сипаттамасы

Ана болуды тағатсыздана күткен әйелдің өз жайының қандай екенін, ағзасында нендей өзгерістер болып жатқанын, ішіндегі бөпесінің қалай дамып жатқанын білгісі келері хақ. Қолыңыздағы кітаптың авторы да осы қажетті ақпараттарды білуге талпынып, бірақ қазақ тілді еңбектерден ештеңе таба алмаған. Болашақ ананың күтімі мен оның жағдайын өзгеге, қала берді өзіне ұғындыратын бір кітаптың болмауы бәрімізге сын. Осы олқылықты ерте байқаған Жанар Көбекбай өзінің жүктілік кезін толықтай күнделікке түсіріп, соңыра арнайы мамандармен келісе отырып осы кітапты жазып шыққан. 

Кітап 4 бөлімнен тұрады. Алғашқы бөлім "Мен болашақ анамын!" деп аталады. Бұл бөлімде бөпенің құрсақтағы дамуы мен 40 апта көлеміндегі ана ағзасындағы өзгерістер толық жазылған. Екінші бөлім "Босанудың бабын біл!" деп аталса, үшінші "Ерекше жүктілік немесе менің күнделігімнен..." бөлімінде егіздерге жүкті аналарға арналған кеңестер жазылған. Автор кітапты "Ұлт танымындағы ана мен балаға қатысты ұғымдар" атты үлттық танымдағы мәліметтермен түйіндейді. 

Кітап жалпы ана болғысы келетін қыздар мен әке атанғысы келетін жігіттерге, сонымен қатар жалпы ата-аналар қауымына арналған.