Кітап сипаттамасы

Сопы Аллаярдың "Сәбатүл ажизин" кітабы да, оған Тажуддин Жалшықұлұлы тарапынан түсініктеме ретінде жазылған "Рисалаи Азиза" кітабы да ата-бабаларымызың мұраға қалған түркі-шағатай тіліндегі асыл құндылықтарымыздың бірі саналады. Бұл еңбектердің екеуінің де ұстанымы Еліміз аумағында тарихи жағдайларға сай қалыптасқан Ханифа мазхабының ұстанымы бойынша жазылғандықтан, онда қарастырылған барлық мәселелер "Әхлүс сүннә уәл жамағатқа" тән Матуриди ақида мектебі мен Ханафи мазхабы ғұламаларының ұстанымы негізінде баяндалған. Сондықтан бұл еңбектің еліміздегі діни тұрақтылықты нығайтуға қосар үлесі мол болмақ. Әсіресе, кейбір жат ағым өкілдерінің еліміздегі ғасырлар бойы қалыптасқан діни ұстаным негіздері мен рухани құндылықтарының бәрін жоққа шығарып, оны қайта қарауға шақырып, соның салдарынан ұлтымыздың сана-сезімііне біте қайнасқан, салт-дәстүрімізге айналып біткен, қаймақтай ұйып тұрған діни жағдайдың іргесін шайқасып, дінаралық араздықтарға апарып соқтыруға бағытталған әрекеттеріне тойтарыс беріп, дұрыс бағыт-бағдар сілтейтін бұл туындының маңыздылығы аса зор.